ລາຍ​ງານ

ບົດ​ທີ່  1

ລາຍ​ງານ
(REPORT)

 

ບົດ​ນຳ

ລາຍ​ງານ​ເປັນ​ເອກະສານ​ສະເພາະ​ກິດ​ທີ່​ຂຽນ​ສຳລັບ​ຜູ້​ອ່ານ​ບາງ​ຄົນ  ແລະ​ມີ​ຈຸດ​ມຸ້ງ​ໝາຍ​ຄ່ອນ​ຂ້າງ​ແນ່ນອນ​ກ່ຽວກັບ​ເນື້ອ​ຫາ​ເລື່ອງ  ລັກສະນະ​ຂອງ​ລາຍ​ງານ​ເຊັ່ນ​ນີ້  ການ​ຂຽນ​ຈຳ​ເປັນ​ຕ້ອງ​ມີ​ການ​ຕຽມ​ຫລື​ວາງ​ແຜນ​ການ​ຂຽນ​ເຊັ່ນ​ກັນ  ເພື່ອ​ໃຫ້​ລາຍ​ງານ​ນັ້ນ​ມີ​ປະ​ສິດ​ທິ​ພາບ​ສາມາດ​ສື່​ຄວາມ​ໄດ້​ຕາມ​ຕ້ອງ​ການ​ຕອບສະຫນອງ  ຊຶ່ງ​ຜູ້​ອ່ານ​ຕ້ອງ​ການ ແລະ​ອີກ​ທັງ​ຈະ​ເຮັດໃຫ້​ເອກະສານ​ເຫລົ່າ​ນັ້ນ​ຊວນ​ອ່ານ​ອີກ​ດ້ວຍ

1.1  ຄວາມຫມາຍ

ລາຍ​ງານ​ເປັນ​ຄຳ​ກ່າວ​ບອກ​ເລື່ອງ​ລາວ​ທີ່​ໄປ​ເຮັດ  ຫລື​ໄດ້ຮັບ​ມອບ​ໝາຍ​ໃຫ້​ໄປ​ເຮັດ​ຫລື​ໄປ​ເຫັນ​ມາ​ແລ້ວ​ສະເໜີ​ລາຍ​ລະອຽດ​ຂອງ​ຂໍ້​ມູນ​ຕາມ​ຮູບ​ແບບ​ທີ່​ກຳນົດ​ໄວ້

ການ​ຂຽນ​ລາຍ​ງານ  ຄື  ການ​ນຳ​ເອົາ​ຜົນ​ທີ່​ໄດ້​ຈາກ​ການສຶກສາ​ຄົ້ນ​ຄວ້າ  ສຳ​ລວດ  ຫລື  ວິ​ເຄາະ​ເລື່ອງ​ໜຶ່ງ​ເລື່ອງ​ໃດ​ຢ່າງ​ລະອຽດ​ແລະ​ມີ​ເຫດຜົນ​ມາ​ລຽບ​ລຽງ​ຕາມ​ລະບຽບ​ແບບ​ແຜນ​ທີ່​ກຳນົດ​ໄວ້​ໂດຍ​ໃຊ້​ພາສາ​ທີ່​ຊັດເຈນ​ແລະ​ເຂົ້າໃຈ​ງ່າຍ  ການ​ຂຽນ​ລາຍ​ງານ  ອາດ​ມີ​ຂໍ້​ຄິດ​ເຫັນ​ຫລື​ຂໍ້​ສະເໜີ​ແນະ​ຂອງ​ຜູ້​ຂຽນ​ປະກອບ​ດ້ວຍ​ກໍ​ໄດ້

1.2  ລັກສະນະ​ຂອງ​ລາຍ​ງານ​ທີ່​ດີ​ຄວນ​ມີ​ລັກສະນະ​ດັ່ງ​ນີ້

         1.2.1 ຄວາມ​ຖືກ​ຕ້ອງ​ແມ່ນ​ຍຳ  ໝາຍ​ເຖິງ  ຂໍ້​ມູນ​ໃນ​ລາຍ​ງານ​ຈະ​ຕ້ອງ​ຖືກ​ຕ້ອງ  ໜ້າ​ເຊື່ອ​ຖື​ຄົບ​ຖ້ວນ ສົມບູນ​ແລະ​ສາມາດ​ນຳ​ມາ​ໃຊ້​ໄດ້​ງ່າຍ

         1.2.2  ທັນ​ສະໄໝ  ລາຍ​ງານ​ທີ່​ດີ​ຄວນ​ທັນ​ຕໍ່​ເຫດການ  ເພື່ອ​ຝ່າຍ​ບໍລິຫານ​ຈະ​ໄດ້​ໃຊ້​ຂໍ້​ມູນ​ປະກອບ​ການ​ຕັດ​ສິນ​ໃຈ  ຫລື​ຫາ​ທາງ​ແກ້​ໄຂ​ສະຖານນະການ​ໄດ້​ທັນ​ທ່ວງ​ທີ   ຫາກ​ມີ​ຄວາມ​ຈຳ​ເປັນ

         1.2.3  ມີ​ຄວາມ​ເປັນ​ກາງ  ການ​ຂຽນ​ລາຍ​ງານ​ນັ້ນ​ຄວນ​ຂຽນ​ດ້ວຍ​ໃຈ​ທີ່​ເປັນ​ກາງ​ບໍ່​ມີ​ອະຄະຕິ​ໃດ ໆ  ບໍ່​ຄວນ​ແຊກ​ຄວາມ​ຮູ້ສຶກ​ສ່ວນ​ຕົວ​ລົງ​ໄປ​ໃນ​ການ​ຂຽນ​ລາຍ​ງານ  ຄວນ​ມຸ້ງ​ສະເໜີ​ແຕ່​ຂໍ້​ເທັດ​ຈິງ

         1.2.4  ຮູບ​ແບບ​ແລະ​ວິທີ​ການ​ຂຽນ​ລາຍ​ງານ​ໜ້າ​ສົນ​ໃຈ​ການ​ລຽບ​ລຽງ​ດີ​ມີ​ຄວາມ​ຊັດເຈນ​ບໍ່​ສັບ​ສົນ​ສາມາດ​ນຳ​ໄປ​ໃຊ້​ໄດ້​ງ່າຍ        
         1.2.5  ພາສາ​ທີ່​ໃຊ້​ໃນ​ການ​ລາຍ​ງານ​ເປັນ​ພາສາ​ທີ່​ເຂົ້າໃຈ​ງ່າຍ   ສຸ​ພາບ  ແລະ​ຊັດເຈນ  ໃຊ້​ປະ​ໂຍກ​ສັ້ນ ກະ​ຊັບ ແລະ​ໄດ້​ໃຈ​ຄວາມ​ສົມບູນ

         1.2.6  ກົງ​ຕາມ​ຄວາມ​ມຸ້ງ​ໝາຍ  ລາຍ​ງານ​ທີ່​ດີ​ຈະ​ຕ້ອງ​ສອດ​ຄ້ອງ​ກັບ​ຄວາມ​ມຸ້ງ​ໝາຍ  ຄື  ສາມາດ​ນຳ​ມາ​ໃຊ້​ປະໂຫຍດ​ໄດ້​ຕາມ​ຄວາມ​ມຸ້ງ​ໝາຍ   ເຊັ່ນ   ຊ່ວຍ​ຕອບ​ບັນຫາ​ທີ່​ສຳຄັນ​ທີ່​ກ່ຽວ​ຂ້ອງ​ກັບ​ການ​ຕັດ​ສິນ​ໃຈ​ຂອງ

ຜູ້​ບໍລິຫານ​ໄດ້​ຖືກ​ຕ້ອງ​ຍິ່ງ​ຂຶ້ນ​ແລະ​ຊ່ວຍ​ແກ້​ບັນຫາ​ຂອງ​ຫນ່ວຍ​ງານ​ແລະ​ອົງຄ໌​ການ​ຕ່າງ ໆ ໄດ້  ເປັນ​ຕົ້ນ

          ລາຍ​ງານ​ແບ່ງ​ໄດ້​ເປັນ  3  ສ່ວນ​ຄື  ສ່ວນ​ແຮກ​ເປັນ​ຕອນ​ແນະ​ນຳ​ຫລື​ຕອນ​ໜ້າ​ປະກອບ​ດ້ວຍ  ປົກ

ປົກ​ເລື່ອງ  ຄຳ​ນຳ  ສານ​ບັນ  ບົດ​ນຳ  ລາຍ​ການ​ພາບ​ປະກອບ  ສັນຍະລັກ  ແລະ​ຕົວ​ຢ່າງ  ເປັນ​ຕົ້ນ  ສ່ວນ​ທີ່​ສອງ​ເປັນ​ຕອນ​ກ່ຽວກັບ​ເນື້ອ​ເລື່ອງ​ປະກອບ​ດ້ວຍ  ຄວາມ​ນຳ  ເນື້ອ​ເລື່ອງ  ແລະ​ຄຳ​ສະຫລຸບ  ສ່ວນ​ຕອນ​ທີ່​ສາມ​ນັ້ນ​ເປັນ  ສ່ວນ​ຂອງ​ບັນ​ນາ​ນຸ​ກົມ  ພາກ​ຜະ​ໜວກ  ແລະ​ດັດ​ນີ

1.3  ສ່ວນ​ປະກອບ​ຂອງ​ລາຍ​ງານ

ສ່ວນ​ປະກອບ​ແລະ​ຫົວຂໍ້​ເລື່ອງ​ຂອງ​ແຕ່​ລະ​ສ່ວນ​ລາຍ​ງານ​ນັ້ນ  ຫນ້າທີ່​ຕ່າງ​ກັນ​ແລະ​ມີ​ຄວາມ​ສຳຄັນ​ຕໍ່​ລາຍ​ງານ​ທັງ​ສະບັບ  ເຊັ່ນ  ໜ້າ​ປົກ ເປັນ​ສ່ວນ​ທີ່​ຂຽນ​ບອກ​ເລື່ອງ​ທີ່​ລາຍ​ງານ  ເຮັດ​ຫນ້າທີ່​ປົກ​ປ້ອງ​ລາຍ​ງານ​ບໍ່​ໃຫ້​ຊຳ​ລຸດ​ເສຍ​ຫາຍ  ຖ້າ​ລາຍ​ງານ​ມີ​ຄວາມ​ຍາວ​ຫລາຍ  ກໍ​ຈະ​ຈັດ​ໜ້າ​ສານ​ບັນ  ເພື່ອ​ຊ່ວຍ​ຜູ້​ອ່ານ​ຄົ້ນ​ຫາ​ເນື້ອ​ເລື່ອງ​ທີ່​ຕ້ອງ​ການ​ໄດ້​ຢ່າງ​ວ່ອງໄວ​ຍິ່ງ​ຂຶ້ນ  ທັງ​ຍັງ​ເຮັດ​ຫນ້າທີ່​ເປັນ​ຕົວ​ຈັດ​ເນື້ອ​ຫາ​ຫົວຂໍ້​ຕ່າງ ໆ ໃຫ້​ກາຍ​ເປັນ​ເລື່ອງ​ດຽວ​ກັນ ກົມ​ກືນ  ສອດ​ຄ້ອງ​ກັນ  ເປັນ​ຕົ້ນ

1.3.1  ສ່ວນ​ປະກອບ​ຕອນ​ໜ້າ

ສ່ວນ​ປະກອບ​ຕອນ​ໜ້າ​ປະກອບ​ດ້ວຍ

1.3.1.1  ຈົດຫມາຍ​ນຳ​ຫລື​ບົດ​ນຳ (Preface)

1.3.1.2  ໜ້າ​ປົກ

1.3.1.3  ປົກ​ເລື່ອງ (Titlepage)

1.3.1.4  ສານ​ບັນ

1.3.1.5  ລາຍ​ການ​ພາບ​ປະກອບ

1.3.1.6  ຄຳ​ອະທິບາຍ​ສັບ​ແລະ​ລາຍ​ການ​ສັນຍະລັກ

1.4  ບົດ​ນຳ​ແລະ​ຈົດຫມາຍ​ນຳ

 ທັງ​ຈົດຫມາຍ​ນຳ​ແລະ​ບົດ​ນຳ​ມີ​ເນື້ອ​ຫາ​ຄ້າຍ​ຄຶງ​ກັນ​ກໍ​ສະເພາະ​ໃນ​ເລື່ອງ​ຂອງ​ຮູບ​ແບບ  ຫົວຂໍ້​ນີ້​ຈະ​ແນະ​ໃຫ້​ຜູ້​ອ່ານ​ໃຫ້​ເຂົ້າໃຈ​ລາຍ​ງານ​ຫລື​ໃຫ້​ຮູ້​ຈັກ​ລາຍ​ງານ​ມັກ​ຈະ​ປະກອບ​ດ້ວຍ​ຂໍ້ຄວາມ​ຕໍ່ໄປ​ນີ້

1.4.1  ຈົດຫມາຍ​ນຳ​ຈາກ​ໃຜ ​ ເຖິງ​ໃຜ

1.4.2   ຜູ້​ບັນ​ຊາ​ໃຫ້​ມີ​ການ​ຂຽນ​ລາຍ​ງານ  ຫລື​ໂອ​ກາດ  ຫລື​ວາ​ລະ​ເນື່ອງ​ດ້ວຍ​ຫຍັງ​ຈຶ່ງ​ຕ້ອງ​ເຮັດ​ລາຍ​ງານ

1.4.3   ຂໍ້ຄວາມ​ກ່ຽວກັບ​ເນື້ອ​ຫາ​ແລະ​ຈຸດປະສົງ

1.4.4   ນອກ​ຈາກ​ນັ້ນ​ອາດ​ເພີ່ມ​ຫົວຂໍ້​ຕໍ່ໄປ​ນີ້

1.4.5   ຂອບໃຈ​ຜູ້​ໃຫ້​ຄວາມ​ຊ່ວຍ-ເຫລືອ

1.4.6  ລາຍ​ນາມ​ຜູ້​ທີ່​ໄດ້ຮັບ​ລາຍ​ງານ

1.4.7  ລັກສະນະ​ພິເສດ​ທີ່​ໜ້າ​ສົນ​ໃຈ​ຫລື​ຄວາມ​ສຳຄັນ​ຂອງ​ລາຍ​ງານ

1.4.8  ລາຍ​ງານ​ຫົວຂໍ້​ເລື່ອງ​ດຽວ​ກັນ​ທີ່​ອາດ​ເຮັດ​ຂຶ້ນ​ໃນ​ຕອນ​ຕໍ່ໄປ

1.4.9  ເອກະສານ​ພູ​ມິ​ຫລັງ

1.4.10      ຄຳ​ສະຫລຸບ​ຫຍໍ້ (Summary) ຂອງ​ລາຍ​ງານ

1.4.11   ບັນຫາ​ສະເພາະ (Conclusions) ແລະ (Recommendations)

ອະ​ໜຶ່ງ   ສຳລັບ​ລາຍ​ການ​ຫລັງ​ນີ້​ຈະ​ມີ​ຫລາຍ​ນ້ອຍ​ພຽງ​ໄລ​ນັ້ນ​ຂຶ້ນ​ຢູ່​ກັບ​ໂຄງ​ສ້າງ​ຂອງ​ລາຍ​ງານ​ກ່າວ   ຄື  ຖ້າ​ການ​ຂຽນ​ຫົວຂໍ້​ອື່ນ ໆ  ພາຍ​ຫລັງ​ຈະ​ຄຸມ​ເນື້ອ​ເລື່ອງ​ໃນ​ຕອນ​ນີ້​ອີກ​ກໍ​ຈະ​ງົດ​ເສຍ​ໃນ​ຂັ້ນ​ນີ້​ເພື່ອ​ປ້ອງ​ກັນ​ຄວາມ​ຊ້ຳ​ຊາກ

1.5  ໜ້າ​ປົກ

       ໜ້າ​ປົກ​ເຮັດ​ຫນ້າທີ່​ຫລາຍ​ປະ​ການ  ເຊັ່ນ  ເຮັດ​ຫນ້າທີ່​ປົກ​ປ້ອງ​ເອກະສານ​ພາຍ​ໃນ​ມິ​ໃຫ້​ເກີດ​ການ​ຊຳ​ລຸດ​ເສຍ​ຫາຍ​ປົກ​ເຮັດ​ຫນ້າທີ່​ສະແດງ​ເລື່ອງ​ລາວ​ຕ່າງ ໆ  ປົກ​ເຮັດ​ຫນ້າທີ່​ດຶງ​ດູດ​ຄວາມ​ສົນ​ໃຈ​ຂອງ​ຜູ້​ອ່ານ​ແບບ​ຈັດ​ເຮັດ​ປະ​ກາຍ​ງານ​ຄວນ​ໃຫ້​ຄວາມ​ສົນ​ໃຈ​ແລະ​ເນັ້ນ​ເປັນ​ກໍລະນີ​ພິເສດ​ດ້ວຍ​ປົກ​ໃນ  (Title page)

      ປົກ​ໃນ​ເຮັດ​ຫນ້າທີ່​ຫລາຍ​ຢ່າງ​ເຊັ່ນ​ດຽວ​ກັບ​ປົກ​ນອກ  ປົກ​ໃນ​ຈະ​ຊ່ວຍ​ສ້າງ​ຄວາ​ມົດ​ງ່າ​ງາມ​ໃຫ້​ແກ່​ລາຍ​ງານ​ແລ້ວ​ຈະ​ຕ້ອງ​ມີ​ການ​ອອກ​ແບບ​ຢ່າງ​ດີ  ການ​ວາງ​ກຸ່ມ​ຕົວ​ອັກສອນ​ຈະ​ຕ້ອງ​ສົມ​ດຸນ​ຮຽບຮ້ອຍ​ໂດຍ​ສະເພາະ​ຢ່າງ​ຍິ່ງ​ຊື່​ເລື່ອງ​ຕ້ອງ​ຂຽນ​ເດັ່ນ​ແຈ້ງ​ລາຍ​ລະອຽດ​ທີ່​ປາກົດ​ໃນ​ປົກ​ນີ້​ມັກ​ຈະ​ໄດ້​ແກ່

1.5.1  ຊື່​ຜູ້​ເຮັດ​ລາຍ​ງານ​ຫລື​ບໍລິສັດ​ທີ່​ຈັດ​ເຮັດ​ລາຍ​ງານ

1.5.2  ຊື່​ບໍລິສັດ​ທີ່​ຈະ​ເປັນ​ຜູ້​ຮັບ​ລາຍ​ງານ  (ຫລື​ຊື່​ຜູ້​ສອນ​ແລະ​ວິ​ຊາ​ທີ່​ມີ​ການ​ຂຽນ​ລາຍ​ງານ​ສົ່ງ)

1.5.3  ຊື່​ລາຍ​ງານ​ແລະ​ຊື່​ຫຍໍ້

1.5.4  ມື້  ເດືອນ  ປີ  ທີ່​ສົ່ງ​ລາຍ​ງານ  ຫລື​ທີ່​ຕີ​ພິມ​ລາຍ​ງານ

1.5.5  ລະ​ຫັດ​ຂອງ​ລາຍ​ງານ

1.5.6  ລາຍ​ຊື່​ຜູ້​ຮ່ວມ​ງານ

1.5.7  ໝາຍ​ເລກ​ທະ​ບຽນ​ໝູ່​ຫນັງສື (ຫໍ້​ງົດ​ມຸດ) ISBN

1.5.8  ຂໍ້​ຈຳ​ກັດ​ຕ່າງ ໆ  (ເຊັ່ນ ແຈກ​ຈ່າຍ​ເພື່ອ​ສຶກ​ສາ​ພາຍ​ໃນ)

      ສິ່ງ​ທີ່​ຄວນ​ເອົາ​ໃຈ​ໃສ່​ເປັນ​ພິເສດ​ໃນ​ຫົວຂໍ້​ນີ້  ໄດ້​ແກ່  ຊື່​ເລື່ອງ​ໂດຍ​ທີ່​ວ່າ​ເລື່ອງ​ນັ້ນ​ຈະ​ຕ້ອງ​ສັ້ນ​ກະ​ທັດ​ລັດ​ແລະ​ເຈາະ​ຈົ່ງ​ເມື່ອ​ຜູ້​ອ່ານ​ເບິ່ງ​ຊື່​ເລື່ອງ​ແລ້ວ​ຄວນ​ຮູ້​ໄດ້​ທັນ​ທີ​ວ່າ​ລາຍ​ງານ​ນັ້ນ​ກ່ຽວກັບ​ຫຍັງ​ຖ້າ​ຫາກ​ຢາກ​ຈະ​ຮູ້ວ່າ​ຊື່​ເລື່ອງ​ສັ້ນ​ຫລື​ຍາວ​ເກີນ​ໄປ​ຫລື​ບໍ່  ຄວນ​ກວດ​ເບິ່ງ​ໄດ້​ດ້ວຍ​ການ​ຕັດ​ຄຳ​ບາງ​ຄຳ​ໃຫ້​ຫົວຂໍ້​ເລື່ອງ​ອອກ   ຖ້າ​ຫາກ​ຕັດ​ແລ້ວ​ຍັງ​ໄດ້​ຄວາມຫມາຍ​ເດີມ​ສະແດງ​ວ່າ​ຊື່​ເລື່ອງ​ນັ້ນ​ຍາວ​ເກີນ​ໄປ  ດັ່ງ​ນັ້ນ​ຂຽນ​ຊື່​ເລື່ອງ​ໃຫ້​ສັ້ນ​ຫລາຍ​ທີ່ສຸດ​ເທົ່າ​ທີ່​ຈະ​ສັ້ນ​ໄດ້

1.6  ສານ​ບັນ

      ສານ​ບັນ​ເຮັດ​ຫນ້າທີ່​ສອງ​ປະ​ການ​ຄື  ປະ​ການ​ແຮກ​ເປັນ​ຫນ້າທີ່​ທີ່​ເຫັນ​ຊັດເຈນ​ນັ້ນ​ຄື​ການ​ລະ​ບຸ​ໜ້າ​ຫົວຂໍ້​ເລື່ອງ​ຕ່າງ ໆ  ສານ​ບັນ​ຈຶ່ງ​ເປັນ​ເຄື່ອງ​ມື​ຊ່ວຍ​ການ​ຄົ້ນ​ຫາ  ປະ​ການ​ທີ່​ສອງ​ສານ​ບັນ​ຈະ​ບອກ​ໃຫ້​ເຮົາ​ຮູ້ວ່າ​ລາຍ​ງານ​ຫລື​ຫນັງສື​ນັ້ນ ໆ  ປະກອບ​ດ້ວຍ​ຫົວຂໍ້​ເລື່ອງ​ໃດ​ນຳ ໃນ​ຊ່ວງ​ການ​ຕຽມ​ຂຽນ​ລາຍ​ງານ​ສານ​ບັນ​ນີ້​ຈະ​ເຮັດ​ຫນ້າທີ່​ເປັນ​ໂຄງ​ສ້າງ  (Outline)  ຂອງ​ລາຍ​ງານ​ທີ່​ຕ້ອງ​ການ​ນຳ​ສະເໜີ

ສານ​ບັນ​ພາບ

ພາບ​ທີ່                                                                         ໜ້າ

1.  ລັກສະນະ​ການ​ໂກ່ງ​ງໍ​ຂອງ​ຊິ້ນ​ງານ​ເຊື່ອມ                                                     17

2.  ລັກສະນະ​ການ​ເຜື່ອ​ລະ​ຍະ​ຂອງ​ຮອຍ​ຕໍ່​ຂອງ​ຊິ້ນ​ງານ​ເຊື່ອມ                                   18

3.  ລັກສະນະ​ການ​ເກີດ​ຂໍ້​ບົກຜ່ອງ​ຂອງ​ຮອຍ​ເຊື່ອມ                                              19

4.  ລັກສະນະ​ຂໍ້​ບົກຜ່ອງ​ຂອງ​ຮອຍ​ເຊື່ອ​ທີ່​ມີ​ຄວາມ​ໂຄ້ງ​ຫລາຍ​ເກີນ​ໄປ                                    21

5.  ລັກສະນະ​ບົກຜ່ອງ​ຂອງ​ໜ້າ​ຮອຍ​ເຊື່ອມ​ເວົ້າ​ລົງ​ຫລາຍ​ເກີນ​ໄປ                                         21

6.  ລັກສະນະ​ຂໍ້​ບົກຜ່ອງ​ຂອງ​ຮອຍ​ເຊື່ອມ​ທີ່​ມີ​ລູ​ພຸນ​ກະ​ຈາ​ຍົດ​ມ່ຳ​ສະເໝີ                        23

1.7 ລາຍ​ການ​ສັນຍະລັກ​ແລະ​ຄຳ​ອະທິບາຍ​ສັບ

      ລາຍ​ງານ​ດ້ານ​ເທກ​ນິກ​ແລະ​ລາຍ​ງານ​ເນື້ອ​ຫາ​ວິ​ຊາ​ສະເພາະ​ມັກ​ຈະ​ໃຊ້​ຄຳ​ຫຍໍ້  ສັນຍະລັກ​ແລະ​ຄຳ​ສັບ​ຜູ້​ອ່ານ​ທີ່​ບໍ່​ຢູ່ໃນ​ສາ​ຂາ​ວິ​ຊາ​ເຫລົ່າ​ນັ້ນ​ຈະ​ບໍ່​ເຂົ້າໃຈ​ສ້າງ​ບັນຫາ​ດ້ານ​ການ​ສື່​ສານ  ດັ່ງ​ນັ້ນ​ຈຶ່ງ​ຄວນ​ຂຽນ​ອະທິບາຍ​ສັບ​ໄວ້

1.8  ບົດ​ຄັດ​ຫຍໍ້ (Abtract)

ບົດ​ຄັດ​ຫຍໍ້​ມີ​ສອງ​ປະ​ເພດ​ຄື   ປະ​ເພດ​ແຮກ​ເປັນ​ບົດ​ຄັດ​ຫຍໍ້​ທີ່​ບັນລະຍາຍ​ລັກສະນະ​ຂອງ​ເນື້ອ​ເລື່ອງ​ວ່າ​ເປັນ

ເລື່ອງ​ລາວ​ກ່ຽວກັບ​ຫຍັງ  ບົດ​ຄັດ​ຫຍໍ້​ປະ​ເພດ​ນີ້  ພາສາ​ອັງ​ກະ​ຫລົດ​ຮຽກວ່າ Descriptive  Abstract  ອະ​ໜຶ່ງ  Infomative Abtract  ນີ້​ຈະ​ບອກ​ຜົນ​ການສຶກສາ​ຄົ້ນ​ຄວ້າ​ທີ່​ສຳຄັນ​ ໆ ຫລື​ເປັນ​ການ​ສະຫລຸບ​ຫຍໍ້​ງານ​ທີ່​ໄດ້​ຄົ້ນ​ຄວ້າ​ມາ​ບົດ​ຄັດ​ຫຍໍ້​ມັກ​ຈະ​ເປັນ​ບົດ​ຄວາມ​ແຮກ​ຂອງ​ລາຍ​ງານ ຊຶ່ງ​ລວບລວມ​ສາ​ລະ​ສຳຄັນ​ຂອງ​ລາຍ​ງານ​ນັ້ນ​ໄວ້​ໂດຍສັງເຂບ​ໃນ​ບົດ​ຄັດ​ຫຍໍ້​ຈະ​ກ່າວເຖິງ

1.8.1  ງານ​ນີ້​ເຮັດ​ເພື່ອ​ໃຜ

1.8.2  ເປັນຫຍັງ​ຈຶ່ງ​ຕ້ອງ​ເຮັດວຽກ​ນີ້

1.8.3  ເຮັດວຽກ​ນີ້​ຢ່າງໃດ  ດ້ວຍ​ວິທີ​ໃດ

1.8.4  ເມື່ອ​ເຮັດ​ແລ້ວ​ໄດ້​ຫຍັງ​ຂຶ້ນ​ມາ

1.8.5  ສະຫລຸບ​ຜົນ

1.8.6 ຂໍ້​ສະເໜີ​ແນະ​ຕ່າງ ໆ ລວມ​ທັງ​ອາດຈະ​ສະເໜີ​ຄວາມ​ເຫັນ​ດ້ວຍ​ວ່າ​ຜູ້​ໃດ​ຫລື​ຫນ່ວຍ​ງານ​ໃດ​ຄວນ​ຈະ​ດຳ​ເນີນ​ການ​ໃນ​ສ່ວນ​ທີ່​ໄດ້​ສະເໜີ​ແນະ​ໄປ​ແລ້ວ​ນີ້

1.9  ສ່ວນ​ປະກອບ​ຕອນ​ກາງ

      ສ່ວນ​ປະກອບ​ຕອນ​ກາງ​ຂອງ​ລາຍ​ງານ  ໄດ້​ແກ່  ຕົວ​ເລື່ອງ​ຂອງ​ລາຍ​ງານ​ອັນ​ຈະ​ປະກອບ​ດ້ວຍ​ຫົວຂໍ້​ຕໍ່ໄປ​ນີ້

1.9.1  ບົດ​ນຳ​ຫລື​ຄວາມ​ນຳ

              1.9.2  ເນື້ອ​ເລື່ອງ

              1.9.3  ບົດ​ສະຫລຸບ

              1.9.4  ຄວາມ​ນຳ

1.10   ການ​ສື່​ສານ​ເປັນ​ປັດ​ໄຈ  (Means)

    ທີ່​ສຳຄັນ​ຍິ່ງ​ໃນ​ການ​ພັດທະນາ​ສະພາບ​ຂອງ​ສັງຄົມ  ການ​ສື່​ສານ​ເປັນ​ເຄື່ອງ​ມື​ທີ່​ຊົງ​ອຳນາດ​ໃນ​ການສ້າງ​ສັນ​ຫລື​ທຳລາຍ​ລະບົບ​ຂອງ​ສັງຄົມ​ແຕ່​ການ​ສື່​ສານ​ນັ້ນ  ໃນ​ແຕ່​ລະ​ຊຸມ​ຊົນ​ມີ​ຄວາມ​ຕ້ອງ​ການ​ບໍ່​ຈຳ​ເປັນ​ຕ້ອງ​ຄືກັນ  ເຊັ່ນ ໃນ​ວົງ​ການ​ແພດ  ໃນ​ໃບ​ສັ່ງ​ຢາ​ຈະ​ໃຊ້​ອັກສອນ​ຫຍໍ້​ຫລື​ຄຳ​ຫຍໍ້​ເປັນ​ຫລັກ​ໃນ​ວົງ​ການ​ລາດ​ການ​ພົນລະເຮືອນ  ການ​ສັ່ງ​ການ​ໃດ ໆ  ຕ້ອງ​ການ​ຄຳ​ສັ່ງ​ທີ່​ຊັດເຈນ  ລັດ​ກຸມ​ແລະ​ເປັນ​ລະ​ດັບ​ຂັ້ນ​ທີ່​ຖືກ​ຕ້ອງ  ຊຶ່ງ​ໃນ​ທຳນອງ​ດຽວ​ກັນ  ໃນ​ການ​ສື່​ຄວາມຫມາຍ  ທາງ​ເທກ​ນິກ​ກໍ​ມີ​ເອກ​ລັກ​ສົນ໌​ຂອງ​ມັນ​ທີ່​ອາດຈະ​ແຕກ​ຕ່າງ​ຈາກ​ກຸ່ມ​ອື່ນ ໆ ໄປ​ນຳ ເພື່ອ​ໃຫ້​ການ​ສື່​ຄວາມຫມາຍ​ໃນ​ຂໍ້​ມູນ​ທາງ​ເທກ​ນິກ​ເປັນ​ໄປ​ຢ່າງ​ປະ​ສິດ​ທິ​ພາບ​ກວ່າ​ຈຶ່ງ​ຈຳ​ເປັນ​ຈະ​ຕ້ອງ​ສຶກ​ສາ​ລັກສະນະ​ບາງຢ່າງ​ຂອງ​ການ​ສື່​ຄວາມຫມາຍ​ຂໍ້​ສົນ​ເທດ​ທາງ​ເທກ​ນິກ

 (ຕົວ​ຢ່າງ​ການ​ຂຽນ​ຄວາມ​ນຳ ເບິ່ງ​ໃນ​ພາກ​ຜະ​ໜວກ​ທີ່ 1)

1.11  ການ​ຂຽນ​ເນື້ອ​ເລື່ອງ

     

ເນື້ອ​ຫາ​ສ່ວນ​ໃຫຍ່​ຂອງ​ລາຍ​ງານ​ປະກອບ​ດ້ວຍ​ຄວາມ​ນຳ  ເນື້ອ​ເລື່ອງ  ແລະ​ສະຫລຸບ  ສຳລັບ​ຄວາມ​ນຳ​ໄດ້​ອະທິບາຍ​ມາ​ແລ້ວ​ການ​ຂຽນ​ເນື້ອ​ເລື່ອງ​ເປັນ​ສາ​ລະ​ສຳຄັນ​ຂອງ​ລາຍ​ງານ  ໂດຍ​ຈະ​ອະທິບາຍ​ງານ​ທີ່​ປະຕິບັດ​ໄປ​ແລະ​ກຳ​ລັງ​ນຳ​ມາ​ສະເໜີ​ໃຫ້​ຮູ້​ໃນ​ລາຍ​ງານ​ນີ້ ອາດຈະ​ບອກ​ລະບຽບ​ວິທີ​ການສຶກສາ​ບັນຫາ​ອຸປະສັກ​ແລະ​ບັນຫາ​ທີ່​ພົບ

 (ຕົວ​ຢ່າງ​ການ​ຂຽນ​ເນື້ອ​ເລື່ອງ ເບິ່ງ​ໃນ​ພາກ​ຜະ​ໜວກ​ທີ່ 2)

1.12  ການ​ຂຽນ​ບົດ​ສະຫລຸບ

    ຂັ້ນ​ຕອນ​ເປັນ​ສ່ວນ​ທີ່​ຈະໃຫ້​ຜູ້​ຂຽນ​ລາຍ​ງານ​ບົ່ງ​ຊີ້​ຜົນ​ງານ​ທີ່​ໄດ້​ກະທຳ​ແລະ​ຄົ້ນ​ຄວ້າ​ຢ່າງ​ຊັດເຈນ​ເປັນ​ລຳ​ດັບ​ໂດຍ​ທົ່ວ​ໄປ​ມັກ​ນິຍົມ​ເຮັດ​ເປັນ​ຫົວຂໍ້​ຕາມ​ເລກ​ໝາຍ​ລຳ​ດັບ  ໃນ​ແຕ່​ລະ​ເລກ​ໝາຍ​ລຳ​ດັບ​ສະແດງ​ສິ່ງ​ທີ່ ຕ້ອງ​ການ​ໃຫ້​ຜູ້​ອ່ານ​ລາຍ​ງານ​ຮູ້​ແຕ່​ລະ​ຫົວຂໍ້​ສະ​ດວກ​ຕໍ່​ການ​ພິຈາລະນາ​ຕິດ​ຕາມ

    ໃນ​ການ​ຂຽນ​ລາຍ​ງານ​ດ້ານ​ເທກ​ນິກ​ນັ້ນ ຂໍ້​ສະຫລຸບ​ແລະ​ຂໍ້​ສະເໜີ​ແນະ​ຈຳ​ເປັນ​ຈະ​ຂຽນ​ແຍກ​ອອກຈາກ​ກັນ​ໃຫ້​ຜູ້​ອ່ານ​ຮູ້​ໂດຍ​ຊັດເຈນ​ວ່າ ລາຍ​ງານ​ໄດ້​ສະຫລຸບ​ຜົນ​ຫຍັງ  ມີ​ຂໍ້​ທີ່​ຜູ້​ສະເໜີ​ຂຽນ​ລາຍ​ງານ​ນີ້​ແນະ​ນຳ​ວ່າ​ຈະ​ຕ້ອງ​ມີ​ການ​ດຳ​ເນີນ​ໃນ​ຂັ້ນ​ຕອນ​ຕໍ່ໄປ​ຢ່າງໃດ  ໃຜ​ຫລື​ກຸ່ມ​ຄົນ​ປະ​ເພດ​ໃດ​ທີ່​ຈະ​ຕ້ອງ​ເປັນ​ຜູ້​ຮັບ​ຜິດຊອບ​ໃນ​ການ​ດຳ​ເນີນ​ຂັ້ນ​ຕອນ​ນັ້ນ ໆ  ຜູ້​ຂຽນ​ລາຍ​ງານ  ຈະ​ຕ້ອງ​ເຮັດ​ຄວາມ​ເຂົ້າໃຈ​ວ່າ​ການ​ສະຫລຸບ​ແລະ​ການ​ສະເໜີ​ແນະ​ນັ້ນ​ຜູ້​ຂຽນ​ລາຍ​ງານ​ຈະ​ມີ​ຄວາມ​ຮັບ​ຜິດຊອບ​ແຕກ​ຕ່າງ​ກັນ​ສະເພາະ  ການ​ສະຫລຸບ​ລາຍ​ງານ  ເປັນ​ສິ່ງ​ທີ່​ຜູ້​ຂຽນ​ຕ້ອງ​ຮັບ​ຜິດຊອບ​ຢ່າງ​ເຕັມ​ທີ່ ເນື່ອງ​ຈາກ​ສະຫລຸບ​ນີ້​ຜູ້​ຂຽນ​ໄດ້​ມາ​ຈາກ​ການ​ຫາ​ຂໍ້​ມູນ​ທີ່​ຜູ້​ຂຽນ​ຮູ້  ລາຍ​ລະອຽດ​ມາ​ແລ້ວ​ຢ່າງ​ຊັດເຈນ​ແລະ​ຕ້ອງ​ຍອມ​ຮັບ​ແຕ່​ຕອນ​ແລ​ກວ່າ​ເປັນ​ສິ່ງ​ຖືກ​ຕ້ອງ​ເປັນ​ຈິງ  ແລະ​ແມ່ນ​ຍຳ

ຜູ້​ຂຽນ​ລາຍ​ງານ​ໃນ​ແຕ່​ລະ​ປະ​ເພດ ຈະ​ຕ້ອງ​ເປັນ​ຜູ້​ຊຳ​ນານ​ຫລື​ເປັນ​ຜູ້​ມີ​ຄວາມ​ຮູ້​ຫລາຍ​ໃນ ດ້ານ​ນັ້ນ​ການ​ສະຫລຸບ​ຈຶ່ງ​ໄດ້ຮັບ​ການ​ຍອມ​ຮັບ  ແລະ​ມີ​ນ້ຳ​ໜັກ​ໜ້າ​ເຊື່ອ​ຖື  ແຕ່​ຂໍ້​ສະເໜີ​ແນະ​ອາດຈະ​ເປັນ​ສ່ວນ​ທີ່​ນອກ​ເໜືອ​ຄວາມ​ຮູ້ ຄວາມ​ຊຳ​ນານ​ຂອງ​ຜູ້​ຂຽນ​ກໍ​ໄດ້

ຂໍ້​ສະເໜີ​ແນ [ະ] ເປັນພຽງ​ຄວາມ​ເຫັນ​ຂອງ​ຜູ້​ຂຽນ​ລາຍ​ງານ​ເທົ່າ​ນັ້ນ  ທີ່​ຕ້ອງ​ການ​ໃຫ້​ຜູ້​ອ່ານ​ໄດ້​ພິຈາລະນາ​ໃນ​ແນວ​ທາງ​ທີ່​ຈະ​ດຳ​ເນີນ​ການ

              ການ​ຂຽນ​ບົດ​ສະຫລຸບ​ຕອນ​ສຸດ​ທ້າຍ​ຂຶ້ນ​ຢູ່​ກັບ​ລັກສະນະ​ຂອງ​ລາຍ​ງານ  ໂດຍ​ມີ​ຮູບ​ແບບ​ການ​ຂຽນ​ທີ່​ນິຍົມ​ໃຊ້​ກັນ​ຄື

1.12.1   summary

1.12.2   Conclusion

1.12.3   Recommendation

1.12.1 Summary ເປັນ​ການ​ສະຫລຸບ​ຫົວຂໍ້​ສຳຄັນ​ ໆ ທີ່​ໄດ້​ກ່າວ​ວ່າ​ມາ ເປັນ​ການ​ທົບ​ທວນ​ຄວາມ​ຈຳ​ຂອງ​ຜູ້​ອ່ານ​ເທື່ອ​ໜຶ່ງ ຫລື​ຫາກ​ມອງ​ໃນ​ແງ່​ທີ່​ວ່າ​ໃນ​ການ​ຂຽນ​ລາຍ​ງານ​ນັ້ນ  ໃນ​ຕອນ​ຄຳ​ນຳ​ເຮົາ​ບອກ​ຜູ້​ອ່ານ​ວ່າ​ຈະ​ຂຽນ​ເລື່ອງ​ຫຍັງ ຕອນ​ເນື້ອ​ເລື່ອງ​ເຮົາ​ກໍ​ເລົ່າເລື່ອງ​ນັ້ນ  ແລະ​ຕອນ​ສະຫລຸບ​ເປັນ​ການ​ບອກ-ວ່າ​ໄດ້​ເລົ່າ​ຫຍັງ​ໃຫ້​ຟັງ​ແລ້ວ

1.12.2  Conclusion ຈາກ​ຂໍ້​ສະຫລຸບ​ຕ່າງ ໆ  ຫລື​ຈາກ​ຂໍ້​ເທັດ​ຈິງ​ຕ່າງ ໆ  ກໍ​ໄດ້​ຈາກ​ການສຶກສາ​ວິ​ໄຈ​ເຮົາ​ຈະ​ມີ​ຍຸດຕິ  ຂໍ້​ຍຸດຕິນີ້ ຖ້າ​ຫາກ​ເປັນ​ງານ​ວິ​ໄຈ​ທາງ​ວິ​ຊາ​ການ ຈະ​ສະຫລຸບ​ເປັນ​ຂໍ້​ສະໜັບ-ສະໜູນ  ກ່າວ​ຄື ບໍ່​ສະຫລຸບ​ນອກ​ເໜືອ​ໄປ​ຈາກ​ງານ​ວິ​ໄຈ  ແຕ່​ຖ້າ​ຫາກ​ມີ​ແຟກ​ເຕີລ໌​ລິ​ຕີ້ ປະສົບການ​ຂອງ​ຜູ້​ວິ​ໄຈ​ເຮັດໃຫ້​ຕ້ອງ​ສະຫລຸບ​ເປັນ​ຂໍ້​ຍຸດຕິ​ໄດ້​ເປັນ​ຢ່າງ​ອື່ນ  ຈະ​ຕ້ອງ​ຂຽນ​ໃຫ້​ຊັດເຈນ

1.12.3  Recommendation  ຂໍ້​ສະເໜີ​ແນະ​ເປັນ​ຜົນ​ຈາກ​ການ​ສະຫລຸບ​ແລະ​ຂໍ້​ຍຸດຕິ  ຊຶ່ງ​ນຳ​ມາ​ຂຽນ​ເປັນ​ຂໍ້​ສະເໜີ​ແນະ​ເພື່ອ​ການ​ປະຕິບັດ​ຫລື​ເພື່ອ​ປະໂຫຍດ​ອື່ນ ໆ ຂໍ້​ສະເໜີ​ແນະ​ຕ້ອງ​ຊັດເຈນ ແລະ​ເກີດ​ປະໂຫຍດ​ສຳລັບ​ຜູ້​ທີ່​ຈະ​ນຳ​ໄປ​ໃຊ້  ຂໍ້​ສະເໜີ​ແນະ​ອາດ​ເປັນ​ການ​ແນະ​ນຳ​ທັງ​ສ່ວນ​ທີ່​ວ່າ​ຄວນ​ຈະ​ເຮັດ​ແລະ​ບໍ່​ຄວນ​ຈະ​ເຮັດ

 (ຕົວ​ຢ່າງ​ການ​ຂຽນ​ບົດ​ສະຫລຸບ  ເບິ່ງ​ໃນ​ພາກ​ຜະ​ໜວກ​ທີ່ 3)                                                                                                                                                                                                                           

1.13  ອະ​ພິ​ທານ​ສັບ (Glossary)

    ຄື ບັນ​ຊີ​ຄຳ​ສັບ​ຍາກ​ ໆ ຫລື​ສັບ​ສະເພາະ   ຫລື​ຄຳ​ສັບ​ພາສາ​ຕ່າງ​ປະເທດ​ທີ່​ກ່າວເຖິງ​ໃນ​ເນື້ອ​ເລື່ອງ ແລະ​ມີ​ຄຳ​ອະທິບາຍ​ສັບ​ເຫລົ່າ​ນັ້ນ ເພື່ອ​ຊ່ວຍ​ໃຫ້​ເຂົ້າໃຈ​ເນື້ອ​ເລື່ອງ​ໄດ້​ດີ​ຂຶ້ນ​ຢູ່​ທ້າຍ​ເລ່ມ​ຫນັງສື​ຫລື​ອາດ​ຢູ່ໃນ​ພາກ​ຜົນ​ວກ

1.14  ເຊີງ​ອັດ (Footnotes)

    ຄື  ຫລັກ​ຖານ​ການ​ອ້າງ​ອິງ​ຂໍ້ຄວາມ​ທີ່​ນຳ​ມາ​ຈາກ​ທີ່​ອື່ນ​ເພື່ອ​ປະກອບ​ການ​ລຽບ​ລຽງ​ງານ​ວິ​ໄຈ  ຢູ່​ສ່ວນ​ລຸມ​ຂອງ​ໜ້າ​ງານ​ວິ​ໄຈ​ບາງ​ເລື່ອງ​ອາດ​ລວມ​ໄວ້​ທ້າຍ​ບົດ​ຫລື​ທ້າຍ​ເລ່ມ​ເລີຍ​ກໍ​ໄດ້ ມີ  3 ປະ​ເພດ ຄື

1.14.1  ເຊີງ​ອັດ​ອ້າງ​ອິງ (Citation Footnotes) ຄື ເຊີງ​ອັດ​ສະແດງ​ແຫລ່ງ​ທີ່​ຫລາຍ​ຂອງ​ຂໍ້ຄວາມ​ທີ່​ນຳ​ມາ​ປະກອບ​ການ​ລຽບ​ລຽງ

1.14.2  ເຊີງ​ອັດ​ເສີມ​ຄວາມ (Content Footnotes) ຄື ເຊີງ​ອັດ​ອະທິບາຍ​ສັບ​ຫລື​ຂໍ້ຄວາມ​ເພິ່ມເຕິມ​ໃນ​ເນື້ອ​ເລື່ອງ​ບາງ​ຕອນ​ທີ່​ມີ​ຄວາມ​ສຳພັນ​ກັນ

1.14.3 ເຊີງ​ອັດ​ໂຍງ (Cross Reference Footnotes) ຄື ເຊີງ​ອັດ​ທີ່​ໂຍງ​ໃຫ້​ຜູ້​ອ່ານ​ເບິ່ງ​ຂໍ້ຄວາມ​ທີ່​ໜ້າ​ອື່ນ​ໃນ​ງານ​ວິ​ໄຈ​ເລື່ອງ​ດຽວ​ກັນ ຫລື​ເບິ່ງ​ເພິ່ມເຕິມ​ໃນ​ບົດ​ອື່ນ ໆ ຊຶ່ງ​ມີ​ລາຍ​ລະອຽດ​ໄວ້​ແລ້ວ​ບໍ່​ຕ້ອງ​ການ​ກ່າວ​ຊ້ຳ​ອີກ

1.15 ບັນ​ນາ​ນຸ​ກົມ (Bibliography)

    ຄື ລາຍ​ຊື່​ຫນັງສື​ຫລື​ບົດ​ຄວາມ​ໃນ​ວານ​ສານ ຫລື​ສິ່ງ​ພິມ​ອື່ນ ໆ ທີ່​ຜູ້​ແຕ່ງ​ຫນັງສື​ໃຊ້​ປະກອບ​ການ​ຂຽນ​ຫນັງສື​ເລ່ມ​ນັ້ນ ຫລື​ອາດ​ເປັນ​ລາຍ​ຊື່​ທີ່​ຜູ້​ແຕ່ງ​ແນະ​ນຳ​ໃຫ້​ອ່ານ​ເພິ່ມເຕິມ ອາດ​ຢູ່​ທ້າຍ​ເລ່ມ​ຫລື​ທ້າຍ​ບົດ​ແຕ່​ລະ​ບົດ​ກໍ​ໄດ້  ບາງ​ແຫ່ງ​ຮຽກວ່າ  ເອກະສານ​ອ້າງ​ອິງ  ກໍ​ມີ​ຄວາມຫມາຍ​ເຊັ່ນ​ດຽວ​ກັນ​ບັນ​ນາ​ນຸ​ກົມ​ຈະ​ລຽງ​ລຳ​ດັບ​ຕາມ​ອັກສອນ​ຕົວ​ແຮກ​ຂອງ​ນາ​ມົດ​ກຸນ​ຜູ້​ແຕ່ງ​ບັນ​ນາ​ນຸ​ກົມ​ມີ​ປະໂຫຍດ​ຫລາຍ​ສຳລັບ​ຜູ້​ອ່ານ​ທີ່​ຕ້ອງ​ການ​ຄົ້ນ​ຄວ້າ​ເພິ່ມເຕິມ​ຈາກ​ລາຍ​ຊື່​ສິ່ງ​ພິມ​ເຫລົ່າ​ນັ້ນ

1.16  ດັດ​ນີ (Index)

    ຄື  ຫົວຂໍ້​ຍ່ອຍ​ ໆ  ຫລື​ບັນ​ຊີ​ຄຳ​ທີ່​ເກັບ​ມາ​ຈາກ​ເນື້ອ​ເລື່ອງ​ໃນ​ຫນັງສື   ຈັດ​ລຽງ​ລຳ​ດັບ​ອັກສອນ​ຕັ້ງ​ແຕ່​ອັກສອນ ກ ເປັນ​ຕົ້ນ​ໄປ  ພາສາ​ຕ່າງ​ປະເທດ​ລຽງ​ລຳ​ດັບ​ອັກສອນ A  ເປັນ​ຕົ້ນ​ໄປ   ແລະ​ບອກ​ເລກ​ໜ້າ​ໃນ​ເລ່ມ​ຕາມ​ທີ່​ນັ້ນ ໆ ປາກົດ​ຢູ່​ດັດ​ນີ​ຈະ​ຊ່ວຍ​ຜູ້​ຊ່ວຍ​ຜູ້​ອ່ານ​ໃຫ້​ຄົ້ນ​ຫົວຂໍ້​ຍ່ອຍ​ ໆ ຫລື​ຄຳ​ທີ່​ຕ້ອງ​ການ​ໄດ້​ຢ່າງ​ວ່ອງໄວ

ບົດ​ສະຫລຸບ

ລາຍ​ງານ​ທີ່​ດີ​ຄວນ​ມີ​ຄວາມ​ຖືກ​ຕ້ອງ​ແມ່ນ​ຍຳ  ທັນ​ສະໄໝ  ມີ​ຄວາມ​ເປັນ​ກາງ  ຮູບ​ແບບ  ພາສາ​ທີ່​ໃຊ້​ໃນ​ການ​ຂຽນ​ລາຍ​ງານ​ເປັນ​ພາສາ​ທີ່​ເຂົ້າໃຈ​ງ່າຍ  ກົງ​ຕາມ​ຄວາມ​ມຸ້ງ​ໝາຍ​ຂອງ​ຜູ້​ຂຽນ​ລາຍ​ງານ  ແລະ​ຍັງມີ​ສ່ວນ​ປະກອບ​ທີ່​ສຳຄັນ  ຄື  ຈົດຫມາຍ​ນຳ  ຫລື​ບົດ​ນຳ  ໜ້າ​ປົກ  ປົກ​ເລື່ອງ  ສານ​ບັນ  ລາຍ​ການ  ພາບ​ປະກອບ  ລາຍ​ການ​ສັນຍະລັກ  ຫລື​ຄຳ​ອະທິບາຍ​ສັບ  ແລະ​ທີ່​ສຳຄັນ​ທີ່ສຸດ​ໃນ​ການ​ຂຽນ​ລາຍ​ງານ​ຄື  ບົດ​ສະຫລຸບ  ຖ້າ​ຂາດ​ສ່ວນ​ນີ້​ໄປ​ແລ້ວ​ຈະ​ເຮັດໃຫ້​ລາຍ​ງານ​ບໍ່​ສົມບູນ​ເລີຍ​ກໍ​ເປັນ​ [ໄ]ດະ​ [້]