ການສ້າງ

ວັນທີ 5 – 14 ພຶດສະພາ 2010 ທີ່ຜ່ານມາ, ຂ້າພະເຈົ້າມີໂອກາດໄປແປພາສາໃຫ້ທາງອົງການອົດ’ສເອສ (AusAID) ເພື່ອປະເມີນ ແລະ ຖອດຖອນບົດຮຽນຈາກໂຄງການພັດທະນາການສຶກສາ (Education Development Project – EDP) ທີ່ແຂວງຫລວງນ້ຳທາ ແລະ ແຂວງຫົວພັນ. ມີໂອກາດທຳຄວາມລຶ້ງເຄີຍກັບຄຳວ່າ CBC (ຊີບີຊີ), ຈຶ່ງນຳມາເລົ່າສູ່ຟັງ: Community-  Based Contracting (CBC) ອ່ານເປັນລາວວ່າ ຊີບີຊີ, ແປເປັນລາວ (ຢ່າງບໍ່ເປັນທາງການວ່າ) ການສ້າງສັນຍາໂດຍປະຊາຊົນເປັນເຈົ້າການ, ສັນຍາໃນທີ່ນີ້ຫມາຍເຖິງ ສັນຍາການກໍ່ສ້າງໂຮງຮຽນ. ຖ້າເຮົານຶກພາບໂຄງການຊ່ວຍເຫລືອໃດຫນຶ່ງ ສ້າງໂຮງຮຽນໃຫ້ປະຊາຊົນ, ເຮົາຈະຄິດເຫັນພາບຂອງໂຄງການຈ້າງບໍລິສັດຮັບເຫມົາກໍ່ສ້າງ ມາເນລະມິດໂຮງຮຽນໃຫ້. ພາບຫລັງສ້າງສຳເລັດ ທາງໂຄງການຈຶ່ງມອບໃຫ້ບ້ານ ຫລື ຫ້ອງການສຶກສາເມືອງເປັນຜູ້ຄຸ້ມຄອງຕໍ່ໄປ. ແຕ່ວິທີການຂອງ CBC ແຕກຕ່າງອອກໄປ